АЛДАРТ ТООМТЫН АГУЙД

АЯЛЛЫН ТОЙМ

Та гэр бүл, найз нөхөд, байгууллага хамт олноороо манай аялалд оролцон 2 өдрийг агаар салхитай, амтат хоолтой, адал явдлаар дүүрэн өнгөрөөх боломжыг бид таньд олгож байна. Энэхүү аялал таньд өмнө хэзээ ч мэдэрч үзээгүй кайфыг мэдрүүлэх болно гэдэгт итгэлтэй байна.

Аяллын үнэ

  • 148,000 ₮

Онцлох зүйлс

  • Аяллын зорилго хүн бүрт харилцан адилгүй байж болох ч ихэнх хүмүүсийн хувьд амрах, шинэ газар үзэх, шинэ туршлага хуримтлуулах байдаг. Бидний аяллын гол зорилго бол 82 метрийн өндөр уулнаас доош олсоор агуй руу бууж, агуйн таазнаас бэхэлсэн дүүжин савлуур дээр бэхэлгээтэй савлаж, үүний дараа агуйнаас доош ахин олс ашиглан газарт буух адал явдалт аялал юм.

Үнэнд багтсан

  • Ирж очих унааны зардал
  • Хөтөлбөрт багтсан хоол
  • Хөтөч тайлбарлагчын хөлс
  • Тусгай сонирхолын аяллын хөтөч
  • Аяллын даатгал
  • Майхан
  • Хээрийн гал тогоо
  • Жолоочийн хөлс

Үнэнд багтаагүй

  • Хувийн хэрэглээний зүйлс
  • Хувь хүний хүсэлтээр аялалд өөрчлөлт гарсан зардал
  • Чөлөөт цагийн хоолны зардал
  • Хөтөч болон жолоочын гарын мөнгө
  • Нэмэлт үйлчилгээний зардлууд

Аялалд хэрэгтэй зүйлс

Аяллын хөтөлбөр

Өдөр-1

Улаанбаатар - тоомтын агуй

Өглөөний 8 цагт удэт-ын үүдэнд аялалд оролцогчид бүрэн цугларан, аяллын замаа эхэлнэ. Бидний очих газар бол төв аймгийн баян-өнжүүл суманд орших зоргол хайрхан юм. Энэхүү уулын орчмыг та Б.Лхавгасүрэн гуайн “Боржигоны бор тал” шүлгээс тодхон санаж байгаа биз ээ. Тус газар уб-с нийт 150 орчим км зайтай бөгөөд засмалаас салаад шороон замаар 60 км давхиад хүрнэ. Үд дунд гэхэд бид оччихсон байх ба хээрийн отог байгуулан, үдийн цай буюу банштай цай хийж идэцгээнэ. Хоолны дараагаар бид үндсэн зүйлээ буюу агуй руу буух аяллаа өөрийн биеэр хийх болно. Нэмж хэлэхэд энэхүү аяллын аюулгүй байдлыг хангаж эктрэм аяллын мэргэжлийн хөтөч, аврагч ажиллах тул та өөрийн айдсаа л даван туулж чадвал зохион байгуулагчдын талаас таны аюулгүй байдлыг бүрэн хариуцна. Ингээд эксрэм аяллын хөтчийн зааварчилгаан дор агуйнаасаа буун, савлуур дээрээ савлаж жинхэнэ кайфыг мэдрэх болно. Бууж дуусахад нар шингэн орой болох тул оройн хоол буюу 1-р хоол таныг угтах болно. Аргалын гал тойрч суун бие биенийхээ хэрхэн айдсаа даван туулсан хөгжилтэй яриаг ам уралдан явьцгааж, аяллын түүхээ хуваалцан аялагчдаа улам бүр сайн таньдаг болж, найз нөхдийн хүрээ иинхүү өргөжнө. Энэ шөнө бид 5 одтой зочид буудалд биш 5 тэрбум оддын дор аяны майханд хоноглох болно.

(өдөр, оройн хоол)

Өдөр-2

Тоомтын агуй – улаанбаатар

Аяллын 2 дахь өглөө алтан нарны цацраг бидний сэрүүлэг болон гэрэлтэж өглөө болсныг илтгэнэ. Ажлын өдрүүдэд бид өглөө яаран ажилдаа гардаг бол өнөөдөр өглөө нойроо ханатал унтах нь дээ. Ингээд аялагчид өглөөний хөнгөн цайгаа уугаад амарцгаана. Урд өдөр 1 буучихсан аялагчид маань өчигдрийн фактаа ярин хөгжилдөж дараагын аяллын буултыг арай туршлагатай бууна гэдэгээ муруй тавин ярицгаана. Иийнхүү манай аяллын зорилго биеллээ олж, аялагчид маань сэтгэл ханамж дүүрэн байна гэдэгт итгэж байна. Ил галд, аргалын дөлөнд чанагдсан өдрийн хоолоо тэндээ зооглоод аяны зам эргэснийг мэдэгдэнэ. Аяллын яриан дунд нэг л мэдэхэд хотод ирсэн байх ба зам эхэлсэн газраа ирж бидний дурсамж дүүрэн нэгэн аялал өндөрлөх болно.