ICE FESTIVAL IN KHUISIIN NAIMAN NUUR

АЯЛЛЫН ТОЙМ

Хүйсийн Найман Нуур  орчим нь хад чулуу, намаг шалбааг, цас, мөс ихтэй тул машин явах боломжгүй зөвхөн морь, сарлагтай эсвэл явганаар аялах боломжтой.

Та бидэнтэй хамт аялсанаар “Хүйсийн Найман Нуур”-ын намар, өвөл цагийн байгалийн сайхан аниргүйг сонсож тархи оюунаа амраахаас гадна "Улаанцутгалан"-гийн мөсөнд авирах эвент тэмцээнийг үзэх, оролцох гайхамшигтай сайхан аяллыг мэдрэх болно.


Аялалаа онлайнаар болон зээлээр авах бол: https://joinme.mn/products/414_jm-abayar-altanovoo-003 


Лавлах: 77443939

Аяллын үнэ

  • 560.000₮ Төг /Нэг хүн

Онцлох зүйлс

  • “Хүйсийн Найман Нуур” нь Өвөрхангай аймгийн Уянга сумын нутагт Хангайн нурууны зүүн урд хэсэгт д.т.д 2700-3216 м.т өргөгдсөн сүрлэг уулсын дунд Ширээт, Халиут, Бугат, Хаяа, Шанаа, Хүйс, Дөрөө, Баян-уул хэмээх 8 нуур байдаг. Нуурууд хоорондоо 500 метрээс 3 км зайтай газар доорх усны судлаар холбогдсон байдаг ба 4-р галвийн үед галт уулын дэлбэрэлтээс үүсэж тогтсон биет болон биет бус өв байгальдаа үлдсэн гайхалтай сайхан нутаг билээ.

Үнэнд багтсан

  • Аяллын хөтөч
  • Аяллын замд тохирсон авто машин
  • Жолооч, Шатахуун
  • Малчин айлын гэрүүд
  • Дотуур байр
  • Морь, сарлагийн хөтөч нар
  • Морьд Ачааны Сарлаг
  • ТХГазруудын тасалбар
  • Тогооч
  • Дулаан хувцас

Үнэнд багтаагүй

  • Хувийн хэрэглээний зүйлс
  • Аяны хөнжил
  • Гар чийдэн
  • Өөрийн хэрэглэдэг эм

Аялалд хэрэгтэй зүйлс

  • Монгол дээл, малгай байвал тохиромжтой
  • Улиралдаа тохирсон дулаан хувцас. /Малгай ороолт, давхар өмд, цамц, бээлий, өвлийн уулын дулаан гутал/
  • Мишок, цагаан хэрэглэл
  • Морь унахад өмсөх түрий (эсвэл өвлийн түрийтэй гутал)
  • Цас, уулын гутал
  • Нар, салхины тос
  • Камер, Зургийн аппарат
  • Гар чийдэн

Аяллын хөтөлбөр

Өдөр 1 

Арвайхээр – Морины Их шүтээн – Уянга сум – “Улаан Цохио”. /Машин аялал/

Өглөө 05.30 цагт 120 мянгатын Жетро супермаркетийн зогсоол дээр цугларч баг хамт олонтойгоо танилцна.
Хөтөч аяллын хөтөлбөр болон зааварчилгаа өгнө. 06.00 цагт Өвөрхангай аймгийн Уянга сум “Хүйсийн Найман Нуур“-ын зүг хөдлөнө. Аяллын Замд Өвөрхангай аймгийн Арвайхээр хотод үдийн зоог барина. “Монгол түмний “Морины Их шүтээн” цогцолбор, Шурангийн “Улаан Цохио“-иог үзнэ. “Шуранга”-ийн голын эхэнд малчин айлд зочилж оройн зоог барьж гэрт хононо. Энэ өдөр 560 км 8,9 цаг аялна.
                                                                                                               /оройн хоолтой/ Өдрийн хоолийг аялагчид өөрсдөө.

Шурангийн “Улаан Цохио” нь “Хүйсийн Найман Нуур”-ын зүг явж байхад замд 28 метр өндөртэй хадан цохио таарна. Энэхүү цохиог сайн ажвал урд хэсэгт эртний бичээс бий бөгөөд цохиог давуулан чулуу шидсэн тохиолдолд олон малтай болж хүсэл биелэнэ хэмээн үздэг аж. Үүгээр зорин  ирсэн  хүмүүс  хүслээ биелүүлэх  гэж  цохиог давуулан чулуу шидэх оролдлог хийж үздэг байна. Та ч бас шидээд үзэх боломжтой.

Өдөр 2 

Хүйсийн Найман Нуур

Өглөө цайны дараа морьтой, явган хослон газарчин хөтөч нарын хамт сарлаганд ачаа тээшээ ачаад Хүйсийн 8 нуурын зүг хөдөлнө. Аяллын замд “Хүйсийн 8 нуур”- ын эхний нуур “Ширээт нуур”-ын үзэсгэлэн төгс харагдах “Ширээт“-ийн даваан дээр үдийн зоог барина. Аялал цааш явж “Түшээ”–гийн даваан дээр гарч “Мухар нуур”-ын байгалийн үзэсгэлэнтэй хослуулсан Фото зураг, Видео бичлэг хийнэ. Дараа нь Ширээт, Халиут нууруудыг дайран Бугат нуурын байгалийн сайханаар аялаж “Хүйсийн 8 нуур”- ын урд талаасаа 3-р нуур “Бугат нуур”-ын орчим малчин айлд ирж оройн зоог барьж гэрт хононо. Энэ өдөр морьтой явган хослон 20 км 5-6 цаг аялна.                                                                                                                                                                                       /өглөө, өдөр, оройн хоолтой/

Өдөр 3

Хүйсийн Найман Нуур

Өглөө цайны дараа аялал эхлнэ. “Хүйсийн Найман нуур”-ын хөндийгөөр аялаж Хаяа, Шана, Дөрөө, Баян-уул  Хүйс хэмээх  нууруудыг үзнэ. Аяллын замд үдийн зоог бариад "Тооройт"  хэмээх сүрлэг сайхан хайрханы бэлд малчин айлд ирж оройн зоог барьж гэрт амарна. Энэ өдөр морьтой явган хослон 15 км 4-5 цаг аялна.                                                                                                                                                               /өглөө, өдөр, оройн хоолтой/

Өдөр 4

Хүйсийн Найман Нуур - Улаанцутгалан

Өглөө цайны дараа аялал эхлнэ. “Хүйсийн Найман нуур”-ын хөндийг дуусгаад "Бодон" хайрханаар давж "Бөөрөг"-ийн эхэнд үдийн зоог барина. Морь, сарлаг, хөтөч нар эндээс буцна. Аялал цааш машинаар  үргэлжилж Улаанцутгалан хүрч малчдын хүүхдүүдын сурч боловсордог "Улаан ам"-ны бригадын "Орхон" сургуульд ирж дотуур байранд байрлан оройн зоог бариад амарна. Энэ өдөр морьтой явган, машин хослон 35 км 5-6 цаг аялна.                                                                                                                                                                                                /өглөө, өдөр, оройн хоолтой/

Өдөр 5

Улаанцутгалан - Орхоны Хүрхрээ

Өглөө цайны дараа аялал эхлнэ.
"Улаанцутгалан"-гийн Мөсөнд авиралтын улсын аварга шалгаруулах тэмцээний нээлтийн арга хэмжээг үзнэ. Улаанцутгалан орчмоор аялаж үдийн зоог барьсаны дараа мөсөнд авиралтанд сонирхогчдийн тэмцээнд оролцоно.
Өвлийн орхон голын Орхоны хүрхрээг үзээд байрандаа ирж амарна.
                             /өглөө, өдөр, оройн хоолтой/

Өдөр 6

Улаанцутгалан – Улаанбаатар хот /Машин аялал/

Өглөө цайны дараа аялал эхлнэ. “Улаанцутгалан“-гийн Мөсөнд авиралтын улсын аварга шалгаруулах тэмцээний финалын шатыг үзнэ. Шагнал гардуулах арга хэмжээ дуусмагц Улаанбаатар хот руу хөдөлнө. Аялал Бат-өлзий сум,  Тэмээн чулуут, Үүртийн тохой Хужирт сум дайран Хангай Говийн хослол Элсэн Тасархайд түр саатан  оройн зоог барина. Аялал цааш явж үдшийн 22:00 цагийн үед Улаанбаатар хот ирж аялал дуусна.                                              Энэ өдөр машинаар 550 км 8-9 цаг аялна.                        /өглөө, өдрийн хоолтой./ оройн хоолийг аялагчид өөрсдөө.