• Зайсан хилл цогцолбор
  • Богд уул
    Зөвлөлтийн дайчдын дурсгалд зориулсан хөшөө
    Зайсан толгойн ам
  • Богд хааны өвлийн ордон
    1903 онд баригдсан.
  • Баянзүрх дүүрэг
    Дулмаалин хийд
    Дарь эхийн сүм
  • Берлин хүрсэн танк
    Танкийн хөшөө
    1944 он, "Хувьсгалт Монгол танкийн цуваа"
  • Гэгээн Тройцкийн сүм
    Үнэн алдартны сүм
  • Богд уул
    Одон орныг судлах төв
    Хүрэл тогоотын ам
  • Дашчойлин хийд
    Зүүн хүрээ
  • Төв цэнгэлдэх хүрээлэн
    1958 онд баригдсан
  • АСЕМ Вилла хотхон
    Олон улсын стандарт бүхий гольфийн талбай

7. ХОТЫН ДУРСГАЛТ ГАЗАР

ЯАРМАГИЙН ДЭНЖ

1922 - 1924 онд Яармагийн дэнжид Ардын хувьсгалын ойн баяр наадмыг “Цэргийн баяр” нэрийн дор тэмдэглэсэн ба 1925 оноос эхлэн “Ардын хувьсгалын ойн баяр наадам” хэмээн нэрлэж ирсэн байна. 1927 онд энэ дэнжид анхны яармаг худалдаа болжээ. Төв цэнгэлдэх хүрээлэн ашиглалтад орох хүртэл наадмын бүх үйл ажиллагаа, дараа нь нэгэн үе хурдан морьдын барианы газар байсан юм. Наадмын сүүлчийн орой энд гэр, майхан зээглэж, хүмүүс хөөр баяр болж, айраг цагаа бялхсан их хөлийн газар байснаа маргааш өглөө нь гэр, майхангүй хоосон дэнж үлддэг байсан тухай тэмдэглэн үлджээ.

1945 оны зун Яармагийн дэнж дээр зуны театр байгуулж 1958 онд төв цэнгэлдэх хүрээлэн ашиглалтад орох хүртэл жил бүр энэ дэнж дээр Ардын хувьсгалын баяр наадам хийдэг байжээ. Маршал Х.Чойбалсан наадмын нээлтэнд монгол дээл өмсөж оролцдог байсан бөгөөд нум сур харвадаг байсан нь кино хальсанд баримт болон үлджээ. 2000 оны эхэн үеэс хурдан морины уралдааныг “Хүй долоон худаг”-т хийдэг болох хүртэл энэ дэнж хурдан хүлгүүдийн барианы газар байжээ.