18. ЖУУЛЧНЫ БААЗ

АРХАНГАЙ - ЦЭНХЭР ЖИГҮҮР БААЗ

Байгуулагдсан он: 1995
Гэр буудлын тоо: 30
Байшин буудлын тоо: байхгүй
Нийт орны тоо: 120
Холбогдох утас: 96777738, 99123887, 99181398
Веб сайт: байхгүй

Цэнхэр жигүүр жуулчны бааз нь Архангай аймгийн Цэнхэр сумын нутаг Халуун Ус гэдэг газарт Улаанбаатар хотоос баруун тийш 490 км, Хархорин сумаас баруун тийш 120 км, Архангай аймгийн төвөөс урагшаа 30 км, Цэнхэр сумын төвөөс баруун урагшаа 28 км-ийн зайд оршино. Энд алжаалаа тайлан амрах зуураа Архангай аймаг дахь байгалийн үзэсгэлэн бүрдсэн газрууд болох Тайхар чулуу хойд зүгт 120 км, Чулуут голын хавцал баруун хойд зүгт 120 км, Хорго, Тэрхийн Цагаан нуур баруун хойд зүгт 190 км, Төвхөн хийд зүүн урд зүгт 90 км-ийн зад орших түүх, соёлын дурсгал болон байгалийн сайхантай танилцах боломжтой.


Цэнхэрийн халуун рашаан нь Монголд халуунаараа 2-т ордог бөгөөд шүлтлэг чанарын рашаан бөгөөд газрын гүнээс 86.5 градусын халуунаар 1 секундэнд 10 л урдран гарч ирнэ. Энэ рашаанд хүхэрт устөрөгч, цахиурын нэгдэл агуулагддаг ба хуян хөөрөх, булчингийн өвчин, үе мөчний өвчин, мэдээгүй болсон хөдөлгөөний эрхтэнүүд, үений үрэвсэл, зөөлөн эдийн гэмтэл, үе булгарах, хоол боловсруулах эрхтний үйл ажиллагааг сайжруулах, цус багадалт, эмчилгээний дараах эрүүл мэнд сэргээх, ядаргаа, ядаргаанаас үүдэлтэй арьсны өвчин, ил шарх, сорви арилгах болон чихрийн шижин өвчтэй хүмүүст сайн нөлөөтэй.