18. ЖУУЛЧНЫ БААЗ

ТЭРЭЛЖ - АЯНЧИН ЛООЖ

Байгуулагдсан он: 2005
Гэр буудлын тоо: 12
Холбогдох утас: 99094539, 93032323
Веб сайт: www.ayanchinlodge.mn

Тэрэлж Байгалийн цогцолборт газарт байрлах Монголын анхны 4 улирлын амралтын бааз. УБ хотын төвөөс 45-50мин, Чингис хаан нисэх онгоцны буудлаас 1 цаг орчим явах зайд байрладаг. Аянчин амралтын бааз нь УБ хотын гадна байрлах хамгийн тансаг орчин юм. Тэрэлж аялал жуулчлалын бүсийн төвд байрладаг учраас олон сонирхолтой маршрутыг бий болгон аялах боломжтой.  Налайх - Тэрэлжийг холбосон шинэ зам ашиглалтад орсоноос гадна УБ хотоос зүүн тийш чиглэсэн Туул голын дээгүүр шинэ гүүр баригдсан нь зорчиход  таатай болсон. Орчин үеийн тохижилт бүхий тус баазад утасгүй интернет,  байнгын ажиллагаатай ресторан барны иж бүрэн үйлчилгээг  үзүүлж байна. Хоёр гүний худаг, генераторын нөөцийн цахилгаан системтэй. Өвлийн улиралд цана, чаргаар гулгах таатай орчинтой.



Монгол үндэсний гэр: 1, 2, 3, 4, 5, 6, 11, 12 дугаар гэрүүд нь 4 ортой, ширээ, 4 сандал, хувцасны тавиур болон зуухтай. №7, 8,10 дугаар гэрүүд нь люкс зэрэглэлд хамаарах ба нэг өргөн ортой, буйдантай, ширээ сандал, зуухтай. Өглөөний цай багтаад  250 000 төгрөг. 

Тусгайлан зассан сууц: Орчин тойрхоо ажиглах сандал бүхий тагттай, тус бүр шүршүүр, 2 угаалтуур, 2 суултууртай, байнгын халуун хүйтэн устай, гадна талдаа асфальтан замтай, гэрэлтүүлэг сайтай, дулаан. Сууц №1,2,3,6,7 дугаар өрөөнүүд нь нэг өргөн ортой бөгөөд хосуудад тохиромжтой. Сууц № 4, 5 нь дөрвөн хүний зориулалттай, хоёр давхар ортой, гэр бүлээрээ амрагчдад илүү тохиромжтой. Сууцад амрах үнэ өглөөний цай багтаад 250 000 төгрөг. 

Зочид буудал: 2-р давхарт байрлах ба өрөө бүр дотроо угаалтуур, 00, шүршүүр бүхий ариун цэврийн өрөө, мини-бар, ус буцалгагч, үсний сэнс зэрэг хэрэгслүүдээр тоноглогдсон. Өрөө№1, 3, 4 нь 2 хүний өргөн ортой, люкс зэрэглэлийнх. Өрөө № 2 нь хоёр хүний энгийн өрөө бөгөөд 2 ортой, зай бага боловч ариун цэврийн өрөө, бусад хэрэгслийн хувьд ижилхэн. Өрөө №5 нь гэр бүлийн өрөө бөгөөд 2 хүний өргөн ор бүхий том өрөө, 3 ортой бас нэг унтлагын нэмэлт өрөөтэй ба тэдгээрийг холбосон үүдний өрөөтэй. Үнийн хувьд өглөөний цайны хамт 300.000 - 400.000 төгрөг. 


Гэр тек люкс буудал:
Монгол гэрийн загвартай дугуй байшин. Нийтдээ 7 өрөө байгаа бөгөөд тус 40м2 талбайтай. Дотроо 2 өрөөтэй, өргөн ортой унтлагын өрөө, энгийн ортой зочны өрөө, шүршүүр бүхий угаалгын өрөө, гаднаасаа ордог хоёр хаалгатай. Байшингийн гаднах тагтаар дамжин өрөөндөө орох боломжтой. Мини баар, ус цэвэршүүлэгч, үс хатаагчтай. Өрөө №2,3-ын 3 өрөө нь адилхан давхарт байрлах ба тухайн давхарыг бүтэн хамардаг, хойд урд зүүн зүг рүү харсан цонхтой. Өрөө №1, 4, 5, 6, 7 нь тус бүр 4 өрөөтэй бөгөөд лоожийн дээд давхарт байрлана. Өрөөнүүд давхараа бүтэн хамрах бөгөөд баруун хойд, зүүн хойд, баруун урд, зүүн урд зүг рүү харсан цонхтой. Үнийн хувьд өглөөний цайны хамт 300.000 - 350.000 төгрөг.