Энэ хийд нь Баянхонгор аймгийн төвөөс 28 км-т орших Эрдэнэцогт сумын төвд байрладаг. Сүм нь сумын баруун урд зүгт хар модон банзан хашаатай хашаа сүмийн хаалга нь баруун талдаа байгаа нь зарим сүм барилгыг Шамбалын орон руу харуулж барьдаг нэгэн ёс уламжлалтай холбоотой. Сүм хоёр давхар, урд талын хаалгаар нь ордог, доод давхар нь өвлийн сууц бөгөөд дотроо хоёр өрөөтэй, гадна талаас нь галлаж ханзыг халаадаг байжээ.