• Архангай аймаг
    ТӨВХӨН ХИЙД
    Зургийг Ч.Буянбадрах

1. БАЙГАЛЬ, ТҮҮХ, ШАШНЫ ДУРСГАЛТ ГАЗАР

МОНГОЛ АЛТАЙН НУРУУ (БАЙГАЛИЙН ЦОГЦОЛБОРТ ГАЗАР)

Монгол орны баруун хязгаар нутгийн зах даган сүндэрлэх том нуруу. Монголын баруун захаас Говь-Алтай аймгийн нутгийг өнгөртөл 900 гаруй километр үргэлжилдэг. Монгол Алтайн нурууны ноён  оргил нь 4374 метр өндөр Хүйтэн уул юм. Хүйтэн уулаас  3375 метр өндөр Гичгэний нуруу хүртэл 100 километр орчим урт цувралдан зэрэгцсэн уулсыг Алтайн нуруу гэнэ. Энэхүү нурууны 3500-4000 метр өндөрт нь мөсөн голууд оршдог. Хамгийн том нь Цагаан голын эхэнд 20 гаруй километр урт үргэлжлэх Потанины мөсөн гол юм. Алтайн нурууны таван их оргилыг нэрлэвэл,  Хүйтэн оргил 4374 метр, Найрамдал оргил 4082 метр, Малчин оргил  4037 метр, Бүргэд уул 4068 метр, Өлгий оргил 4050 метр юм. Хүйтэн оргилд анх 1900 оны эхээр Хаант оросын иргэн мөрөө гаргаснаас хойш 1956 онд Монголын уулчид анх авирчээ.