Монгол Улсын анхны Ерөнхийлөгч бөгөөд 1942 оны 1 дүгээр сарын 23-нд Завхан аймгийн Түдэвтэй сумын Бунхантын өвөлжөөнд төржээ. 1951-1960 онд дунд сургууль, 1960-1965 онд ЗХУ-ын Ленинград хотын Уул уурхайн дээд сургуулийг уул уурхайн ашиглалтын инженер мэргэжлээр төгссөн. Техникийн ухааны дэд эрдэмтэн, Эдийн засгийн шинжлэх ухааны доктор, профессор, ШУТИС-ын хүндэт доктор цолтой. Очирбат нь 1965-1967 онд Аж Үйлдвэрийн Яаманд мэргэжилтэн, 1967-1972 онд Шарын голын уурхайд ерөнхий инженер, 1972-1976 онд Түлш, Эрчим хүчний үйлдвэр, геологийн яамны орлогч сайд, 1976-1985 онд Түлш, Эрчим хүчний яамны сайд, 1985-1987 онд Гадаад эдийн засгийн талаар харилцах Улсын хорооны дарга, 1987-1990 онд Эдийн засгийн гадаад харилцаа, хангамжийн яамны сайд, 1990 оны 3 дугаар сараас 1990 оны 9 дүгээр сар хүртэл БНМАУ-ын Ардын их хурлын тэргүүлэгчдийн дарга, 1990 оны 9 дүгээр сараас 1992 оны 2 дугаар сар хүртэл БНМАУ-ын Ерөнхийлөгч, 1992 оны 2 дугаар сараас 1997 онд Монгол Улсын Ерөнхийлөгч, 1997 оны 8 дугаар сараас “Очирбат” сангийн Удирдах зөвлөлийн дарга, Монгол Улсын Ерөнхийлөгч, 2000 оноос Монгол Улсын ШУТИС-ийн “Экологи-тогтвортой хөгжлийн төв”-ийн захирлаар ажиллаж байна. 2005 оны 9 дүгээр сарын 28-ны өдөр Монгол Улсын Үндсэн Хуулийн цэцийн гишүүнээр томилогдон ажиллаж байна. 2005 онд Монголын Ардчилсан Намаас олгодог Чингис хаан одонг хамгийн анх хүртжээ.
Та аялал, амралтын талаарх илүү их мэдээ мэдээллийг ЭНД дарж аваарай.
