Өвөрхангай аймгийн Баянгол сум нь 1924 онд байгуулагдсан, хуучнаар Сайн ноён хан аймгийн Үйзэн вангийн хошуу.Өндөр-Өнц, Эргэндэнж, Цагаан булан, Хаяа, Цавын ихэр, Ширээ гэсэн засаг захиргааны анхан шатны 6 багийн 1141 өрхөд 3967 хүн амьдардаг.Хүн амын тоогоор Өвөрхангай аймгийн 19 сумаас 8-д, газар нутгийн хэмжээгээр 6 -д тус тус ордог. Хүн амын нягтшил 1 га талбайд 1.1 хүн ногддог сум юм.
Далайн түвшнээс дээш 1430 м өргөгдсөн. Дов толгод, гүвээ бүхий талархаг гадаргуутай, нутгийн дундуур Онгийн гол 70 гаруй км урсан өнгөрдөг.Жаргалант, Задгай, Шанд, Нарийн, Намаг, Булаг зэрэг 10-аад жижиг булаг шандтай.Баруун, Зүүн, Улаан нуур, Олон нуур, Булгийн цагаан нуур, Давст, Цайдам, Ланс, Борхоньт зэрэг хужир, давс, шүү ургадаг нуур тойрмуудтайн гадна барилгын материалын орд газруудтай.Газар хөдлөлийн эрчим: 8 балл.Сумын нутаг дэвсгэр нь дов толгод, гүвээ бүхий талархаг гадаргуутай, мал аж ахуй болон газар тариалан эрхлэхэд тохиромжтой.
Өвөрхангай аймгийн өмнөд хэсэгт:Улаанбаатар хотоос 412 км,Аймгийн төвөөс 80 км зайд байрладаг.Дундговь аймгийн Сайхан-Овоо сум болон өөрийн аймгийн, Зүүнбаян–Улаан, Сант, Төгрөг, Тарагт сумдтай тус тус хиллэдэг.
Хуурайдуу халуун зунтай, хүйтэн, хахир өвөлтэй.1 дүгээр сарын дундаж температур -18С - 23С7 дугаар сарын дундаж температур +18С - +23Сжилийн дундаж салхины хурд 5-10 м/сжилийн хур тунaдасны нийлбэр 80-130 мм
