Өвөрхангай аймгийн Сант сум нь 1931 онд байгуулагдсан, хуучнаар Сайн ноён хан аймгийн Илдэн бэйлийн хошуу. Цариг, Цахиурт, Улаан-Овоо, Залаа, Майхан  гэсэн 5 багийн  нийт 1043 өрхөд 3349 хүн амьдардаг.Хүн амын тоогоор Өвөрхангай аймгийн 19 сумаас эхнээсээ 15-д, газар нутгийн хэмжээгээр 13-д ордог, хүн амын нягтрал нь 1 га талбайд 1.2 хүн ногддог сум юм.

Далайн түвшнээс дээш 1325 м-1721 м өргөгдсөн. Физик газар зүйн хувьд Төв хээр талын мужид, уртрагийн 1030481, өргөргийн 460071 градуст оршдог. Сумын нутаг дэвсгэр нь уул, гүвээ толгод бүхий тал хээр бөгөөд мал аж ахуй эрхлэхэд тохиромжтой.