Бүрэн сум нь Төв аймгийн сум юм. Төв
аймгийн Бүрэн сум нь 1924 онд байгуулагдсан, хуучнаар Түшээт хан аймгийн зоригт
вангийн хошуу. Төхөм, Баянцогт, Монгол, Эрдэнэхангай, Булангаа гэсэн 5 багийн
841 өрхөд 3090 хүн ам амьдардаг.Хүн амын тоогоор Төв аймгийн сумдаас эхнээсээ
9-д, газар нутгийн хэмжээгээр 7-д ордог /аймгийн төвийг оролцуулалгүйгээр/ .
Төв
аймгийн баруун урд хэсэгт: Улаанбаатар хотоос 220 км, Аймгийн төв
Зуунмодоос 190 км зайд байрладаг.Төв аймгийн Дэлгэрхаан, Эрдэнэсант,
Өндөрширээт, Алтанбулаг, Баян-өнжүүл, Дундговь аймгийн Эрдэнэдалай, Адаацаг
сумтай хиллэдэг. Далайн түвшинээс дээш 1250-1730 м
өргөгдсөн. Физик газарзүйн хувьд тал хээрийн бүсэд багтдаг. Газар хөдлөлтийн
эрчим 7 балл. Сумын нутаг дэвсгэр нь хангай говь хосолсон тал хээрийн бүсэд
хамаардаг бөгөөд намгархаг, нам дор газартай бөгөөд газар тариалан, жимс
жимсгэнэ, мал аж ахуй эрхлэхэд нэн тохиромжтой.
