Батсүмбэр сум нь Түшээт хан аймгийн Баатар вангийн хошуу одоогийн Төв аймгийн ууган сумдын нэг юм. 1926 онд байгуулагдсаж өдгөө Мандал, Цогт-Өндөр, Сөгнөгөр-Баянгол,
Үдлэг гэсэн 4 багийн нийт 1949 өрхөд 6789 хүн амьдарч байна.
Хүн
амын тоогоор Төв аймгийн 26 сумаас эхнээсээ 2-д газар нутгийн хэмжээгээр
13-д ордог /аймгийн төвийг оролцуулалгүйгээр/ хүн амын нягтралаар хамгийн өндөр
/5.49хүн/га/ сум юм. Нийт газар нутгийн хэмжээ 2,500 км квадрат.
Далайн
түвшинээс дээш 1100-2500 м өргөгдсөн. Физик газар зүйн хувьд Хэнтийн нурууны
баруун захын уулсын мужид, геоморфологийн хувьд Хараа голын мужид багтдаг.
Газар хөдлөлийн эрчим 7 балл.Сумын нутаг дэвсгэр нь уул, ой модоор бүрхэгдсэн
эрчимжсэн мал аж ахуй болон газар тариалан эрхлэхэд тохиромжтой.
