Хутаг-Өндөр сум нь Булган аймгийн сум бөгөөд Магсаржав сангийн аж ахуй хэмээн сүүлд нэрлэгдэж байсан. Тээл, Уньт, Хантай, Хонгор, Төвийн гэсэн 5 багтай. Тус сум нь Манлай Ван Хатанбаатар Магсаржавын өлгий нутаг бөгөөд түүх дурсгалын газар элбэг. Энэ сумын нутагт эртний улсуудын нэг болох Уйгурын хаант улсын үетэй холбогдох Бий булагийн туурь Тээл багийн нутагт бий.

Газар зүйн тогтцын хувьд уулархаг, ой мод ихтэй. Тус сумын нутагт сумын төвөөс 20 км зайтай Уньт багийн нутагт Их булагийн чихрийн шижин өвчинд сайн рашаан, мөн Хантай багийн нутагт ходоодны рашаан байдаг.