• Сэдэргэнийн овог
    АММАНЫ СЭДЭРГЭНЭ
    Зургийг Ч.Буянбадрах
  • Цахилдагийн овог
    ХУРЦ ДЭЛБЭЭТ ЦАХИЛДАГ
    Зургийг Ч.Буянбадрах
  • Хонхонцэцэгийн овог
    БАГ ХОНХОНЦЭЦЭГ
    Зургийг Ч.Буянбадрах
  • Сонгинын овог
    АЛТАЙН СОНГИНО
    Зургийг Ч.Буянбадрах
  • Хонхонцэцэгийн овог
    ГУРВАЛСАН ХОНХЛОЙ
    Зургийг Ч.Буянбадрах
  • ДАЛАНТҮРҮҮ
    Зургийг Ч.Буянбадрах
  • Шимтэглэйн овог
    НУГЫН ШИМТЭГЛЭЙ
    Орон нутгийн нэр Мягмансанж
  • Голгэсэрийн овог
    ЭГЭЛ ЦАГААНТҮРҮҮ
    Зургийг Х.Түмэндэлгэр
  • Сараанын овог
    ОДОЙ САРААНА
    Зургийг Ч.Буянбадрах
  • Сараанын овог
    БУРЖГАР САРААНА
    Зургийг Ч.Буянбадрах

10. МОНГОЛ ОРНЫ УРГАМАЛ

ЦАХИЛДАГ

Дэлхийд цахилдагтан хэмээх овогт 80 төрөлд хамаарах 1800 зүйл цахилдаг байдгийн 8 зүйл нь Монголд ургадаг. Дэлхийн хуурай газрын ихэнх бүсэд элбэг тархсан байдаг. Олон наст, үндэслэг ишт ургамал. Хэнтий, Хангай, Монгол Дагуур, Хянган, Ховд, Монгол-Алтай, Дундад халх, Дорнод Монгол, Их нууруудын хотгор, Дорноговь, Говь-Алтай, Дундговийн нутгаар түгээмэл тааралдана. Нуур, гол, горхи, шандын марзлаг эрэг, хайрга, марзлаг нугад ургана. Цагаалин цахилдаг, Хосхайрст цахилдаг, Цахилдаг, Сахилз, Ацан цахилдаг гэх мэт зүйлүүд байдаг.

Ерөнхийдөө иш нь 10-20 сантиметр өндөр, навчис нь 15-50 сантиметр урт, 3-5 миллиметр өргөн, цайвар ногоон өнгөтэй. Цахилдаг нь тогтвортой, ижил хэмжээс бүхий гурван талт цэцэгтэй. Голын гурван дэлбээ нь дээш тэмүүлсэн эгц босоо байдаг бол гадна гурван дэлбээ нь гурван тийш тэгш хэмтэй унжсан байдаг. Нил хөх юмуу цагаан өнгийн цэцэг гардаг. Цахилдагийг хатсаны дараа бүх төрлийн мал иддэг. Говийн бүсэд ногоон байхад нь хадаж хураадаг. Цахилдаг нь хоолойны үрэвсэлт өвчнүүдэд тустай байдаг учраас 1-2 цэцэг идүүлэх маягаар эмчилдэг байна.

Эх сурвалж: Монгол орны лавлах