Үндсэн шинж: Хатсан иш нь намар салхинд хийссэн харгана сөөгөнд орооцолддог тул хазаар өвс хэмээн нэрлэгдсэн. 10-30 см намхан, дээшээгээ дэрэвгэр бутыг үүсгэдэг олон наст үет ургамал юм. Навч нь ихэнхдээ хавтгай байх ба гантай үед хуйлмал болсон байдаг.
Ургах орчин: Голын хайрга байц, чулуурхаг хажуу, хээр талд, хөнгөн ба дунд зэргийн шавранцар хар хүрэн, хүрэн хөрсөнд ургана.
Цэцэглэлт, үрлэлт: 7, 8 сард цэцэглэж үрлэнэ. Үндэсний шижимээр дэгнүүл үүсгэж мөн үрээр сайн ургана. Ногоон байх үед нь үхэр, хонь, ямаа, адуу сайн иддэг. Хазаар өвс адуунд тарга хүч сайн оруулдаг гэж үздэг.
Та аялал, амралтын талаарх илүү их мэдээ мэдээллийг ЭНД дарж аваарай.
