• Сэдэргэнийн овог
    АММАНЫ СЭДЭРГЭНЭ
    Зургийг Ч.Буянбадрах
  • Цахилдагийн овог
    ХУРЦ ДЭЛБЭЭТ ЦАХИЛДАГ
    Зургийг Ч.Буянбадрах
  • Хонхонцэцэгийн овог
    БАГ ХОНХОНЦЭЦЭГ
    Зургийг Ч.Буянбадрах
  • Сонгинын овог
    АЛТАЙН СОНГИНО
    Зургийг Ч.Буянбадрах
  • Хонхонцэцэгийн овог
    ГУРВАЛСАН ХОНХЛОЙ
    Зургийг Ч.Буянбадрах
  • ДАЛАНТҮРҮҮ
    Зургийг Ч.Буянбадрах
  • Шимтэглэйн овог
    НУГЫН ШИМТЭГЛЭЙ
    Орон нутгийн нэр Мягмансанж
  • Голгэсэрийн овог
    ЭГЭЛ ЦАГААНТҮРҮҮ
    Зургийг Х.Түмэндэлгэр
  • Сараанын овог
    ОДОЙ САРААНА
    Зургийг Ч.Буянбадрах
  • Сараанын овог
    БУРЖГАР САРААНА
    Зургийг Ч.Буянбадрах

10. МОНГОЛ ОРНЫ УРГАМАЛ

ОДОЙ САРААНА

Сараантаны овогт багтах цэцэг бөгөөд Одой сараана, Нарийн навчит сараана, Намхан сараана, Улаан сараана, Цагаан төмс гэх мэтээр нэрлэгддэг. Хөвсгөл, Хэнтий, Хангай, Монгол Дагуур, Хянган, Дундад халх, Дорнод Монгол, Ховд зэрэг нутгаар тархсан. Уулын хээр, ойт хээрийн бүслүүрт ээвэр энгэр, нугархаг хажуу, нарсан ойн зах, заримдаа элсэрхэг хөрс, байц цохионд ургана. Сонгинолог болцуу 3-4 сантиметр урт, цагаан өндгөн хэлбэртэй, хальслаг саарал бүрхүүлтэй олон наст ургамал.

Иш нь 20-60 сантиметр өндөр, нарийхан. Навч нь 3-10 сантиметр урт, 1-3 миллиметр өргөн, цувраа, дотогш шамарсан ирмэгтэй, ишний дунд хэсэгт олноороо байрладаг. Цэцэг нь тод улаан өнгөтэй, доош унжсан байдалтай, 2-6 дэлбээний үзүүр нь гэдрэг эргэж дугирагласан. Хүнс, чимэглэлийн зориулалтаар ашигладаг. Үндэс нь сармисны хумс шиг салдаг ба түүнийг сүүнд чанаж иддэг. Хамраас цус гоожих, эмэгтэй хүний доош цус алдах үед, улаан цэцгийг нь буцалгаж хандлан эмийн журмаар хэрэглэвэл зогсдог байна. Хорхой шавьж, зөгий, эрвээхэй их цуглардаг.